.jpeg)
ممكن نعرف دور مركز التعلم الالكتروني داخل الجامعه ؟
مركز التعلم الالكتروني داخل الجامعه منوط بالعمليه التعليميه الخاصه بالمقرارات بتاعه الجامعه بمعنى ايه بترفع على المنصه المقررات بتاعه الطالب ،طالب بيدخل عليها باكونت ليه هو والدكتور باكونت او الاسايمنتات او ايا كان برده على المنصه.
بدايه مركز التعليم الالكتروني؟
انشئ تقريبا في سنه 2006 عن طريق مشروع خاص بي Ickb وكان مشروعات مموله من المجلس الاعلى للجامعات وبعد كده تحول لتبعيته لهذه المراكز الجامعه تقريبا في (2012 /2013)
ممكن نعرف ايه الخدمات التي يقدمها المركز؟
المركز بيقدم خدماته على اكثر من مستوى حاليا ليه اكثر من مستوى احنا اعتمدنا مركز الجامعه جامعه جنوب الوادي قنا حاليا كاكاديميه من اكاديميات سيسكو للشبكات والتدريب وده عمل معانا طفره كبيره خالص في الخدمات التي نقدمها لان خدماتنا محصوره في الذي يقدمه الاستاذ للطالب والطالب بيدخل على المقرر بتاعه ويتفاعل معه وفق توجيهات الاستاذ طبعا الشق الثاني اعتمده الدكتور احمد عكاوي لتوسيع افاق الطالب ما يبقاش عنده المقررات فقط في حاجه اسمها الوعي الرقمي اللي المفروض يكون عند الطلاب تم اعتماد اكاديميه سيسكو في جامعه قنا ونبلي بلاءا حسنا وكنا في مسابقه ريال مدريد اسمها سيسكو ريال مدريد وكان لينا مستوى متقدم فيها اي نعم لم نفذ لكن كنا في مستوى متقدم كالجامعه الوحيده الحكوميه على مستوى مصر.
الهدف من مراكز التعليم الالكتروني داخل الجامعه؟
الهدف الاساسي منه التحول الرقمي للمقررات ومال هذا الهدف من اهداف فرعيه منها تسهيل وصول المعلومات ومنها اكتساب المعلومه بشكل صحيح ومنها اكتساب المعلومه من جهه موثوق فيها ومنها سهوله استخدام المعلومه والوصول اليها بالنسبه للطالب.
اهميه التعليم الالكتروني داخل الجامعه؟
خلينا نتفق اننا نتعامل مع جيل رقمي اعتقد ان حضراتكم من Gen Z وطالع فالتحول الرقمي لو ما كان يناسبك انت مش هتتعلم احنا بدانا نعطي لك الماده او المحتوى العلمي بشكل يناسب الطالب انت اليوم لا تريد التعامل مع اي شيء ورقي الالكتروني يكون موجود للتعامل معه.
كيف يساهم المركز في تطوير العمليه التعليميه؟
المركز بيساهم في تطوير العمليه التعليميه بانه بيحاول يقدم خدمه تعليميه متكامله العناصر تناسب جيل الرقمنة وبالتالي هو بيقدم الخدمات دي بما يتناسب مع احتياجات هذا الجيل عشان كده هو بيحاول يلبي الخدمه التعليميه بشكل دقيق وسريع وواضح ويسهل التعامل معاها اللي هي خصائص هذا الجيل وبنحاول على قدر الامكان نتعامل بتقديم خدمه تعليميه متميزه لطلابنا يسهل الوصول اليها ويسهل التعامل معها.
كيفيه تقديم الخدمات في المركز هل في منصات معينه بيتم الاعتماد عليها؟
في سنه 2025 تم اعتماد منصه مقرراتي منصه خاصه بالجامعه تم تطوير المنصه بسواعد مبرمجين الجامعه وهي منصه تملكها الجامعه وموجوده على صفحه الجامعه وبتقدم خدماتها لطلاب البكالوريوس وطلاب الدراسات العليا.
من المسؤول عن تنفيذ الخدمات داخل المركز؟
المركز بيمتلك فريق من المهندسين الشطار الاقوياء المتخصصين بيقوموا بخدمه اهداف المركز وانا عضو في الفريق واحنا اسره المركز بيتكون من اربعه افراد ومدير المركز منوط بيها كل العمليات التي تتم في عمليه انتاج المقرر ورفعه بالاضافه ان مركز المعلومات بالجامعه بيخدم على مركز التعليم الالكتروني من حيث coding بتاع المنصه من حيث اننا رافعين المستوى ده على سيرفرات مركز معلومات الجامعه.
الموارد والميزانيات المطلوبه لتنفيذ شغل المراكز؟
المركز خدمي هو مش واخد طابع خاص مركز خدمي متوفر الموارد بتاعته الجامعه والجامع بتحاول توفر كل السبل الماليه المطلوبه.
ابرز التحديات التي واجهتكم في تطبيق التعليم الالكتروني؟
التحديات من زمان دلوقتي التحديات بدات تندثر شويه لان الجيل نفسه بقت متطلباته هي اللي احنا بنعملها كانت التحديات الاساسيه زمان لا احد مؤمن بهذا الموضوع ولا احد مؤمن ان المقرر بتاعه يبقى الكتروني ولا احد مؤمن ان المقرر بتاعه يبقى تفاعلي كان كله يحتاج التعامل بشكل او باخر مع الحاجات الورقيه،النهارده مع جيل اتولد في الرقمنه ده بالنسبه له التعامل مع المنصات الالكترونيه شيء طبيعي وهو بيتعامل كل يوم وكل لحظه تقريبا فبالنسبه له ان يكون المحتوى بشكل الكتروني بسيط يسهل التعامل معاه في اي وقت غير لما كان الاول واجهنا مشاكل كثير اننا نخليه يؤمن بهذا الموضوع ونجربه عليه احنا حاليا لا نحتاج لتدريبات مكثفه للتعامل مع المنصه هو يمكن يكون تعريف بسيط للطلاب او شكل فيديو صغير لا يتجاوز 40 ثانيه وانت بتعرف تتعامل مع المنصه لوحدك.
ازاي بتدعموا الطلاب اللي عندهم صعوبه في استخدام التكنولوجيا؟
جيل الرقمنه انا مش محتاج اخذ بايده للتعامل مع المنصه ازاي هو عنده المقومات الاساسيه للتعامل مع اي شيء رقمي بس انا بشرح له ازاي يعمل او ازاي يدخل وهو طبيعي يعرف ان الضغط على انتر معناها كذا او الدخول فانا مش محتاج اشرحها له.
هل التعليم الالكتروني ممكن يكون بديل كامل للتعليم التقليدي ولا مكمل ليه؟
لا،انا متخصص واستاذ تكنولوجيا التعليم والمعلومات بقول ان لا مش هيحصل ده بسبب خلينا نقول ان الرقمنة مطلوبه لكن مش هتبقى بديل،التكامل مطلوب في العمليه التعليميه.
ما هي خطط المركز الفتره القادمه لتطوير التعليم الالكتروني؟
الخطه التي حاليا تم اعتمادها بشكل مبدئي من السيد رئيس الجامعه اننا هنزود خدمات المنصه وهيبقى فيه تعامل اكثر على المنصه وتقديم الخدمات وهيبقى فيه معالي رئيس الجامعه عنده مجموعه من الخدمات التي تقدم للطالب بشكل كبير ومجموعه التطبيقات التكنولوجيه التي تنفذ وبنحاول يبقى فيه تكامل ما بين المنصه التعليم الالكتروني والتطبيقات الثانيه ونسعى لهذا ما بيننا وبين السجل المهاري للطالب الطالب متميز له account متميز وبيشتغل كويس مع الاستاذ وليه ما نخليش ده يرتبط بالسجل المهاري ودي حاجه كان عملها السيد رئيس الجامعه للطلاب اللي هو السجل المهاري فاننا نحاول نعمل الربط ده.
هل يوجد نيه لاستخدام الذكاء الاصطناعي في تسهيل عمل مراكز التعليم الالكتروني وما هي الكيفيه؟
الذكاء الاصطناعي حاليا لا غنى عن استخدامه بس خلينا نقول ان هو لحد النهارده ما بقاش جهه موثوق في نتائجها لكن احنا بنعمل ايه دلوقتي كمنصه مقرراتي في تعاون في المجلس الاعلى للجامعات ووزاره التعليم العالي لاستخدام تطبيقات الذكاء الاصطناعي ويعملوا معايير للتطبيقات دي احنا بنحاول ناخذ المعايير دي وبنحاول نطبقها على بعض تطبيقات الذكاء الاصطناعي ومنها كان تطبيق Gemini ده حاليا الجامعه حوالي تقريبا اربع الى خمس شهور مدين للطلبه مده 12 شهر مجاني لكن ده كان بروتوكول تقريبا وما اعتقدش انه اخذ شهر ويتقفل البروتوكول ده وبنحاول ان الخدمات دي تبقى متاحه لحضراتكم في دول اجراءات والقوانين التي تتيحها الجامعات.